How u fit plan and marry for just 1 and half year

This tori go help anybodi way don reach to marry way never marry because of money wahala to fit marry for di next 1 year and half. 

 All ur mate dem Don de marry one by one de leave u? U de do jealousy wen dem invite u come marriage ceremony, and u come de talk for mind say "Chai! How I wish say na me de marry like". Or I and ur baby don date for plenty years now, but marriage no green happen? Weda u be man or woman, no tear bodi for worry again because me want give u watin u go take marry for just 1 year and cut another year half join. Na for inside this tori u fit see am take! So just relax even as bodi don de jinja u small small like dis.

Me and u know say, for we country way be naija na poverty way de cause why many piple way don reach to marry never marry reach now. Na Dat yeye man we go fight chuk mouth for ground, na me and I go do am together. I go show u how u go take do am, but na u go give am de beating way in never see before since in mama born am. If in get mind stand up come face u again after we Don beat am watin no good, we go no say in mama no born am well. Na poverty we de plan kill so for ur life so dat dat rope way in tie u go loose make u for fit marry ur sweet for just small time.

See how we go do am. U gas to safe 500k for inside one year first. Den u go come use 6 months plan ur marriage. 

If ur mind de shake onto say u no get watin u de do now, abeg no allow dat ur mind cut because na me go tell u how u want take get that money.

Oya make we start. 

To fit safe dat money u go need to start business way sure. Pesin way no get money de start business? Yess oo! If u smart and de use ur head u fit start business for anywhere for naija even if u no get shishi.

Na only 60k reach 100k u go need to start dis business. If u no get am, try borrow from pesin, if u no get who go borrow u di money u fit still get am for any of dis online lending platform like fairmoney and OKash. No even worry say u go pay back.

But which kind business u want start? U fit reason different different business for mind. But for me na food business I go suggest make u start. Why I de suggest food business be say, everybody need food everyday, no day go pass way pipul no go chop food even if say na one or two times. Oyimbo pipul talk say "food na everyday need for everybody". Yess oo! Food business na business way sure na why we drag am come out for dis tori. 

How u Wan take do am? No be say u go de sell food tins oo! Dat one na pety pety shishi just de come out. But u go de cook am de sell give pipul, we de call dis one fast food. 

Watin u need now na small shop way get small space way pipul fit sit down inside chop and another smallll place way u go de de de cook di food. For some place u fit get dis kind place with 30k reach 50k for one year. If u no fit get house u fit still nack small bacha inside one small place, try arrange well make in de catch eye.

As u don get the place, di next tin now na watin u go de cook and how u go de cook am.

Watin to cook no be di wahala, na just normal food way dem de chop for ur area like rice, beans, swallow, and any oda tins way u fit add join. Na how u de cook am na dia di matter de now.

Na 2 ways u go de cook am. U go cook one di normal way way pipul for ur area de cook, den u for cook one foreign. U go enta youtube, search for how to cook any of di food way u wan cook. Video boku for dia, na u go do point and kill to find beta way to take cook ur food way ur customer go taste like dis, de go want sell dia troat give u. Abeg copy dis point, di foreign food dem de cost to cook, dat one mean say u go charge betta money for dem. Na dia u go de see ur money.

See another tin, shebi na ur phone u de use read dis tori way I arrange so, u fit still use dat ur phone pour plenty customers for ur business. See how u go take do am. Go meet computer pipul way sabbi do graphics design make dem do banner and plenty small small stickers for u. Tell dem make dem send one for ur phone. U go put the banner for ur shop. U go still buy dis small small rubber way get cover way dem de call take away. U go come pasta di stickers dem for the cover and bodi of the rubber plate. Den u go enter Facebook, Instagram, tiktok, and all di social media way u de come de post di sweet sweet food way u don cook. In go come de totorri pipul way see am for eye. Wen pipul need ur food u gas arrange am send give dem, dat one mean say u go de do dilivery service. Dat one go bundle plenty money come. Small time u go fit get pipul way go de work for u.

Na so u go carry pay di money way u borrow and still safe watin pass dat 500k for just one year.

Di next year now u fit go tell dat special baby way u get something way sure, way go sweet am for kidney. Small time, before u no watin de happen u self go don marry join.

I like am as u follow me for dis tori way sure like dis. Abeg help me shout am make other pipul hear, and no forget to come back come collect oda tori way sure way I still de cook.